Wednesday, September 28, 2011

തത്വ ചിന്തകന്‍

എന്റെ മുഖത്ത് നോക്കി
അവള്‍ വീണ്ടും ആര്‍ത്തു ചിരിച്ചു
കുഴി തോണ്ടി എടുത്ത ഓര്‍മകള്‍ക്ക്
ഇനി എനിക്ക് വീണ്ടും ശവ കുടീരം പണിയണം
പോടീ തട്ടി എടുത്ത ചിന്തകലെ
ഒരു കാര ഗൃഹത്തില്‍ അടക്കണം
കണ്ണാടിയില്‍ നോക്കി ഉറക്കെ വിളിക്കണം
മണ്ടന്‍ തിരു മണ്ടന്‍
എന്നിട്ട് വെളുക്കെ ചിരിച്ചു ചുമരില്‍ തൂക്കി ഇട്ട
തത്വ ചിന്തകന്റെ കുപ്പായം എടുത്തനിയണം...
താടിയും മുടിയും നീട്ടി വളര്‍ത്തി
പുസ്തകങ്ങളിലെ മാരലയില്‍ തല ഒളിപ്പിക്കണം
........................................................................................
ഇങ്ങനെ ആണ് ഒരു തത്വ ചിന്തകന്‍ ജനിക്കുന്നത് !!


Wednesday, September 14, 2011

കൊലയാളി

പ്രണയം ഒളിച്ചിരിക്കുന്ന
ഒരു കൊലയാളി  ആണ്
നിശബ്ദമായി  നടന്നു വന്നു
കഴുത്ത് ഞെരിക്കുന്നവന്‍
ഹൃദയത്തില്‍ മുറിവുണ്ടാക്കി
വാര്‍ന്നു വീഴുന്ന രക്തം കൊണ്ട്
ചുമര്‍ ചിത്രങ്ങള്‍ വരക്കുന്നവന്‍ 
സ്വപ്നങ്ങളില്‍  കടന്നു വന്നു
നീണ്ട ദാമ്ഷ്ട്രങ്ങള്‍ കാണിച്ചു
ഭയപ്പെടുത്തുന്നവന്‍
മനസിനുള്ളില്‍  ഒരു ചുഴലി കാറ്റായി
ഒളിച്ചിരുന്ന് ഓര്‍മകളെ വിഴുങ്ങുന്നവന്‍
എനിക്ക് നിന്നെ ഭയമാണ്
 വിട പറഞ്ഞകന്ന വഴികളിലേക്ക്
നീ എന്നെ വലിച്ചിഴക്കുന്നു
നീളമുള്ള  കൈകള്‍ കൊണ്ട് വളഞ്ഞു
പിടിച്ചു ശ്വാസം മുട്ടിക്കുന്നു
എന്റെ കണ്ണുകള്‍ നീ വരച്ച
ചിത്രങ്ങള്‍ കൊണ്ട് മൂടിക്കെടുന്നു
കാതുകളെ നിശബ്ദതയുടെ വിരസതയില്‍
കൊട്ടിയടക്കുന്നു
നിന്നില്‍  നിന്നും കുതറി മാറുമ്പോള്‍
എന്നെ നീ വീണ്ടും ഈ ചതുപ്പില്‍ താഴ്ത്ത്തുകയാനല്ലോ









Saturday, June 4, 2011

ബോളി വൂടിനു പ്രതീക്ഷ ഉണര്‍ത്തി ഒരു പുതിയ സിനിമ ...

ബോളിവുഡ് സിനിമ വ്യവസായത്തിന് മുതല്‍ക്കൂട്ട് ആകാന്‍ ഒരു പുതിയ സിനിമ.. നായകന്‍ ഓരോവര്‍ഷവും വെറും 1000 കോടി മാത്രം ആസ്തി യുള്ള ഒരു പാവം സര്‍വ സംഗ പരിത്യാഗി ആണ്..അദ്ദേഹം സ്വന്തം നാടിലെ അഴിമതി വീരന്‍ മാര്‍ക്കെതിരെ നടത്തുന്ന ധീരമായ യുദ്ധമാണ് കഥ യുടെ ഇതി വൃതം . വേദനിക്കുന്ന ഒരു കോടീശ്വരനായ ഇദ്ദേഹം ഒരു ദിവസത്തേക്ക് ഭക്ഷണം പോലും ഉപേക്ഷിച്ചു നടത്തുന്ന നിരാഹാര സമരത്തില്‍ പങ്കെടുക്കുന്ന കൊടി ക്കണക്കിന് വരുന്ന പട്ടിണി പാവങ്ങളുടെ ദയനീയാവസ്ഥ ചിത്രത്തില്‍ ഭംഗിയായി ചിത്രീകരിച്ചിരിക്കുന്നു. ഒരു ദിവസത്തെ സമരത്തിന്‌ ശേഷം അഴിമതി വീരന്മാര്‍ ഫോണിലൂടെ സന്ധി സംഭാഷണത്തില്‍ ഏര്‍പ്പെടുന്നതും ഇത് വെറും ഒരു ചതിക്കുഴി ആണെന്ന് തിരിച്ചറിയാതെ ആദ്യം നായകന്‍ വില്ലന്‍ മാരെ വിശ്വസിക്കുന്നതും ആണ് ചിത്രത്തിലെ മര്‍മ പ്രധാനമായ ഭാഗം. ആദ്യം വില്ലന്മാരെ വിശ്വസിച്ചു യുദ്ധം നിര്‍ത്തുന്ന നായകന്‍ കുബുദ്ധികളുടെ തന്ത്രം മനസിലാകുകയും വീണ്ടും യുദ്ധം പുനരാരംഭിക്കുകയും ചെയ്യുന്നു തുടര്‍ന്ന് സമാധാന പ്രചാരണത്തിനായി നായകന്‍ നടത്തുന്ന ജാഥയെ അഴിമതി വീരന്മാരായ രാഷ്ട്രീയക്കാരുടെ അജ്ഞാനുവര്തികലായ പോലീസുകാര്‍ പ്രകോപനം കൂടാതെ ആക്രമിക്കുകയും പാവങ്ങളെ തല്ലി പരിക്കേല്‍പ്പിക്കുകയും ചെയ്യുന്നു. രണഭൂമിയില്‍ തുടര്‍ന്ന് ഇറങ്ങി നടക്കുന്ന നായകന്‍ പുരാതന ഭാരതത്തിലെ അശോക ചക്രവാര്‍ത്തി യുടെ പ്രസിദ്ധമായ കലിംഗാ യുദ്ധ ഭൂമിയിലെ യാത്രയെ ഓര്‍മിപ്പിക്കുന്നു. തളര്‍ന്നു കൊണ്ടിരിക്കുന്ന ബോളി വുഡ് സിനിമ വ്യവസായത്തിന് വലിയ മുതല്‍ ക്കൂട്ടാകും ഈ പുതിയ സംരംഭം എന്ന് തീര്‍ത്തു പറയാം

Tuesday, April 26, 2011

ഈ കേന്ദ്ര ഗവണ്മെന്റ് ചെയ്ത സേവനങ്ങള്‍ /ചെയാന്‍ പോകുന്ന സേവനങ്ങള്‍

1. എന്ടോസുല്ഫന്‍ എന്നാ അമൃത് എല്ലാവര്ക്കും ലഭ്യമാക്കാന്‍ ഖോരഖോരം വാദിക്കുക

2. പെട്രോള്‍ വില ഇപ്പോള്‍ വളരെ കുറവായതിനാല്‍ അത് വര്‍ധിപ്പിച്ചു പാവപ്പെട്ട പെട്രോളിയം കമ്പനികളെ സഹായിക്കുകയും വളരെ പണക്കാരായ സാധാരണക്കാരെ സഹന ശീലം പഠിപ്പിക്കുകയും ചെയ്യുക

3. പരിശുദ്ധരായ രാഷ്ട്രീയക്കാരുടെ അന്ത സത്തയെ ചോദ്യം ചെയ്യാന്‍ വേണ്ടി ഗൂഡാലോചനക്കാര്‍ ഉണ്ടാക്കിയ ലോക പാല്‍ ബില്ലിനെ പരാജയപ്പെടുത്താന്‍ സി ഡി കമ്പനികള്‍ തുടങ്ങുക

4. നിന്നെ പോലെ നിന്നെ അയല്‍ക്കാരെയും സ്നേഹിക്കുക എന്നാ തത്വത്തില്‍ അധിഷ്ടിതമായി സ്വിട്സര്‍ലാന്‍ഡിലെ പൊളിഞ്ഞു കൊണ്ടിരിക്കുന്ന ബാങ്കുകളെ രക്ഷിക്കാന്‍ സഹ മന്ത്രിമാരുടെയും വിശാല മനസ്കരായ മറ്റു പനക്കരുടെയും സഹായത്താല്‍ കോടി കളുടെ നിക്ഷേപം നടത്തുക

5. വളര്‍ന്നു വരുന്ന വിവര സാങ്കേതിക വിദ്യകളുടെ പ്രയോജനം ജനങ്ങളിലേക്ക് വളരെ പെട്ടെന്ന് എത്തിക്കുന്നതിനായി എല്ലാ മൊബൈല്‍ കമ്പനികളുടെയും കോടികളുടെ നിക്ഷേപം ജന പ്ര്തിനിധികളിലെക്കും തദ്വാര വളര്‍ന്നു വരുന്ന പുതിയ നേതാക്കന്മാര്‍ക്കും (ജന പ്രതിനിധികളുടെ സ്വന്തം കുടുംബത്തില്‍ നിന്നുള്ളവര്‍ക്ക് മാത്രം അപേക്ഷ അയക്കാം ) ലഭ്യമാകുക .

6. രാജ്യത്തെ കായിക മേഘലയുടെ വികസനത്തിനും മറ്റു രാജ്യങ്ങള്‍ക്ക് അസൂയ ജനിപ്പിക്കുന്നതിനും വേണ്ടി ഏറ്റവും കൂടിയ മുതല്‍ മുടക്കില്‍ കോമണ്‍ വെല്‍ത്ത്‌ ഗെയിംസ് സംഘടിപ്പിക്കുക അത് വഴി ഗിന്നസ് ബുക്ക്‌ ഓഫ് വേള്‍ഡ് റെക്കോര്‍ഡ്‌ ഇല്‍ ഇന്ത്യ ക്ക് ഒരു സ്ഥാനം നേടാന്‍ ശ്രമിക്കുകയും ചെയ്യുക

7. അടുത്ത പ്രധാന മന്ത്രിയാവനുള്ള ഏറ്റവും കുറഞ്ഞ യോഗ്യത Z ക്ലാസ്സ്‌ സെക്യൂരിറ്റി യോടെ രാജ്യം മുഴുവന്‍ ട്രെയിനില്‍ സഞ്ചരിക്കുകയും ഇടക്ക് കാണുന്ന സ്റ്റേഷനില്‍ ഇറങ്ങി തൊഴിലാളികളെ ചുമടെടുക്കാന്‍ സഹായിക്കുകയും ആണ് എന്ന് ജനങ്ങളെ ബോധ്യപ്പെടുത്തുക..

8. ഭരണം നടത്താന്‍ കൂടെയുള്ള പാര്‍ട്ടി ലീടെരെ എല്പ്പികുകയും അകലെ മാറി നിന്ന് കാര്യങ്ങള്‍ വിശകലനം നടത്തുകയും ചെയ്യുന്നതാണ് ഒരു നല്ല പ്രധാമന്ത്രിയുടെ ലക്ഷണം എന്ന് ജനങ്ങളെ ബോധ്യപ്പെടുത്തുകയും അത് വഴി മറ്റു രാജ്യങ്ങള്‍ക്ക് മാതൃക ആകുന്ന രീതിയില്‍ സ്ത്രീശാക്തീകരണം നടപ്പിലാകുകയും ചെയ്യുക.

മേല്‍പ്പറഞ്ഞ കാര്യങ്ങള്‍ കൂടാതെ വീണ്ടും പല നൂതനമായ പദ്ധതികളും ഈ സര്‍ക്കാര്‍ തയ്യരാകിക്കൊണ്ടിരിക്കുന്നു. വിശദ വിവരങ്ങള്‍ ഇത് വരെ അറിവായിട്ടില്ല ..